يَا مِتْعَدِّي علَى بِنْت النَّاس .. بِنْتِك رَاهِي فِالثنِيَّة

يَا مِتْعَدِّي علَى بِنْت النَّاس .. بِنْتِك رَاهِي فِالثنِيَّة

حَرْڨِي نَايَا على حُرّة مفتّحَة نوَّارة في عشيّتها

حُكْمُوهَا مِالبُوليسيَّة ثلَاثة ومرْمدُولهَا عِيشِتها

هوايِشْ صَايِبهَا الكلَبْ ومِن حبِيبهَا فكُّوها

مَشمشُولْهَا لحِيمتهَا فُوق السَّاعة رُبع بعدمَا زَاوُوها

ترَاتحُوا علِيهَا إثْنِين ومالشِّيخَة زادُوا عَمْلُوا عُولَة

والثَّالث سَلْسِلْ عشِيرْهَا وخلَّاه يصِيحْ المغبُون كِالمَهْبُولَ

***

الوردَة ذِبْلِت أورَاڨهَا وڨَعدِت فِي ڨلِيبهَا أمَارَة

وعَاشِقهَا صَابتَّهْ حرڨَة ولِهْبِت فِي جَاشَهْ النَّارَ

يَا الحبِيبَة ما تِذْرفِي دَمعِكْ وتفَرّطِي فِيه خسَارَة

خلِّيكِي قويَّة وفِيك كلَاب الداخليَّة الكُل حيَارَة

حرَايِر بلَادِك مَا نسُوكِ ومَا سلّمُوا وعَزْمُوا عَالثَّارَ

غِير إنتِ يَا مريم مَا ترخِّي وكُونِي لَبَّة صبَّارَة

***

يَا حلِيلِي بعْدمَا دزُّوهُولْهَا زادُوا دَخّلُوا فِيهَا غُولَة

هَالمَكْلبَة وأَسيَادهُم يَعطِيهُم والله ألف بشُّولَة

الغَاليَة طَلبِت عَدل الحَاكِم، صَبْحِت المَغبُونَة مَطْلُوبَة

طلَع كِي سِيدِي كِي جوَادَهْ، الكُل رهُوط مريضَة ومَكْلُوبَة

يَا مريم لَا يهمِّك ومَا تكُونِي مَصدُومَة وَ مَا تخلِّي حَالْتِك مِكْدَارَه

أحْبَابِك مَا يخلُّوك نهَار تخَاصْمِي وَحْدِك هَالهوايِش المكَّارَه

***

يَا عُرِّة الرجَّالَهْ، نبَلّغِلْكُم سلَام علَى لسَان زعِيم زَبْرَاطِة حَبس المُرنَاڨِيَّة

يجيبُوكُم حذَايَا وتذُوڨُوا أَنواع العَصْبَة مِالمَكبُوسَة للطريَّة

وتدُور الأيَّام يَا بُولِيس يَا ضَالِم ومَا تدُوم رِيح فِي برِّيمَة

واطِّيح ڨُدَّامِي ونُرْشُمْلِك مَا عندِك مِن ترِيمَة

ويَا متعدِّي علَى بنَات النَّاس جهَارْ بهَارْ

أُخْتِك وبِنْتِك رَاهُم فِالثنِيَّة يطلعُوا بدِينَارْ

النَّهضة والسِّبسي

النَّهضة والسِّبسي

 بِينْ النَّهضة والسِّبسي مَا تُڨْعِد حَايِر

يَاوْ تَلِّفهُم الإِثنِينْ وخلِّيك دِيمَا ثَايِر

عَالنَّهضة والسِّبسي .. هَايْ ...

الدُّستُورِي والنَّهضَاوِي ماهُمشِي ضرَايِر

يَاوْ مِحرَاثهُم في أرْضِك دِيما غَايِر

الدُّستُورِي والنَّهضَاوِي .. هَايْ ...

 ***

أوِّلهُمْ كَلب سِبُّوهْ مَلعُون مِن دُون جِيلَه

بالسِّينْ لَا تنَادُوهْ إذَا فِيكُم صمِيلَه

وفِي السُّلطَة عزُّوهْ، للزِّبلَة رَاوْ مفَارِڨْ رحِيلَه

وإذَا نطَق لَا تلاغُوهْ، لَا تصِيبْكُم الَّلعْنَة مثِيلَه

عَالدُّستُورِي .. هَايْ ..

خرِفْ وهتِرْ يَاوْ طَرّْدَهْ شعْبِي

وبَعد أيَّامْ الرَّخَاء يَاوْ جَاتَهْ أيَّامْ الكَرْبِ

***

ثَانِيهُمْ نَذْل، العِيشَة معَاه مرَارِتْ ويَا ويلَهْ يُوم الملَامَة

علَى يدِينْ الزوَّالِي يذُوڨْ الغَصرَاتْ ومَا تَنفعُوشْ النِّدامَة

يَاوْ منزُوسْ بَاعْ أصلَهْ وعَرضَهْ وتبَّعْ الكُرسِي في مَرْضَاتَه

وأمْرِيكْيَا الملْعُونَة يَاوْ خيّبِتْلَهْ ذَاتَه

وفِي الولَايَاتْ العصَا باشْ تكسِّرلَهْ يَاوْ جمِيعْ عظَامَه

وهذِي آخِرة خَايِن الثَّورة، يَاوْ صدَقْ الشَّعب فِي كلَامَه

عَالنَّهضَاوِي .. هَايْ ..

آخِرتَهْ محبُوس وفِالدبُّو مخبِّي

ورخِيصْ بِين النَّاسْ يَاوْ مِثل الكَلْبِ

***

يَالِّي نَاوِي تُحكُمْ إِسمَعْنِي كَان فِيكْ عقَلَّا

بَعْد الدّساترَة والخوَانجيَّة إلِّي صَابِتهُم عِلَّة

لَا تَاكِلْ فِي يُوم الغلَّة وتسِبْ المِلَّة

وأُحفضْ لسَانِك عَالغَرَرْ والزلَّة

رَاوْ الأيَّامْ مَا دَامِتشْ لزَعْبَعْ ولِلَّا

الحجَّامة والطرَابِلسيَّة الكُلَّا

واليُوم دَارتْ علَى جميعْ وخيَّانْ زَعْبَلَّا

إلِّي دخلُوا الشَّعب والبلَاد في حِلَّه

***

يَا رَاقِدْ فِزّْ ثُورْ رَاكْ ترَاخِيتْ والوَڨْت فَاتِك

ثَورة الجُوع ضامنَة الرِّبح وهِي ذخِيرْتك فِي حيَاتَك

ونوصِّيكْ أُهْرب ماِلشَّبعْ وفِالخِيرْ يَهنَى مباتِكْ

هذِي نصِيحَة من بطَّال مهبُول وفِي منُّوبَة مبَاتَه

تَاركْ الزوَّالِي لَا تجَاورُوهْ ولَا تاخذُوشِي بنَاتَه

وإذَا جَاء للجَمْع لَا تلَاغُوهْ، لَا خِيرْ فِيهْ ولَا فِي حيَاتَه

بَـــــزنَـــــاسْ

بَـــــزنَـــــاسْ

بَزنَاسْ وفاِلدِّنيَا هذِي مانَّجِم نكُون كَان عيَّاش

فِالشّتَاء نَهضَاوِي والصَّلاة بِالحَاضِر مَانفَلِّتهَاش

وفِالصِّيف شيُوعِي وغِير زِين الڨوِرَّا مَانِبغَاش

ندُور ونَعكِل ونَركَّح وخِدمتِي شَلوَاش

رَاس مَالِي خَمسَة وأمّهُم وبلَاش بِيهُم مَانِسوَاش

ندبِّر بِيهُم تكَربِيسَة ولَّا إثنِين وعشَاء مِالمَمُّو بُوبلَاش

ڨُولُوا عليَّا طحَّان ولَّا مُنافِق ولَّا حتَّى أَكبِر غشَّاش

آمَا آذَاكَ هُوَ التُّونسِي المَطبُوع إلِّي كِيفُو مَاتِلڨَاش

فِالرُّجلَة، ووَقت الشدَّة بأصحَابُو مَايخَلِّيهَاش

خوَانجِي ولَّا شيُوعِي ولَّا حتَّى مِن جمَاعِة عنَّقنِي وأَكبِر شيَّاش

خَاطِر قُحب وخمَج السِّياسَة رَانِي مَانطِيڨَاش

وإلِّي نَاوِي يَلعِبلِي بِخُبزتِي رَانِي مَانعَدِّيلَاش

شِيخ ولَّا عزَّام ولَّا حتَّى مُلحِد فِي حيَاتُو رَكعَة مَعمَلهَاش

وربّكُم رَانِي مَولُود فِي مصَبّ الزِّبلَة إلِّي مَاتَعرفُوهَاش

ونهَايِتهَا رَانِي فَرخ مَلقُوط والعوَج مَانِحملَاش

وإلِّي يمِسّ شَعرَة منِّي ولَّا مِلِّي كِيفِي رَانِي نُوجعَهْ ومَانِّيكَاش

هذِي كِلمَات مِن عند زَبْرَاط الضَّوء مَازَال مَاشَافَاش

مَرشُومِين علَى جبِينكُم إلِّي علِيه نبُول ومَانَخرَاش

رَانِي دِيمَا شَايِخ، حِيط يهِزّ وحِيط يرُدّ ومَانِصحَاش

آذِيكَا عِيشتِي، بِيهَا فرحَان ومَانبَدِّلهَاش

والزَّهو والطّرَب رَاهُم كَميِة كُلّ عيَّاش

وإلِّي مُوش عَاجبَهْ ينَجِّم يَخرَى فِيه ومَايِتوَضَّاش